Ի Տէր Հանգեաւ Գերյ. Հայր Յովսէփ Ծ. Վրդ. Քէլէկեանը

Վախճանած է Զմմառու Պատրիարքական Կղերի Միաբանութեան երէց անդամներէն՝ գերյ. Հայր Յովսէփ ծ. վրդ. Քէլէկեանը, աւազանի անունով` Անթուան, ծնած՝ Պէյրութ, 18 Ապրիլ 1950-ին:
1 Հոկտեմբեր 1959-ին ընդունուած է Զմմառու մայրավանքի նորընծայարան, այնուհետեւ՝ բարձրագոյն ուսումներ ստանալու համար յաճախած է Հռոմի Քահանայապետական Լեւոնեան հայ վարժարանը:
Հետեւած է Հռոմի Արեւելեան կաճառի կանոնագիտութեան դասընթացքներուն։
9 Դեկտեմբեր 1973-ին ձեռնադրուած է կուսակրօն քահանայ, ձեռամբ՝ Իգնատիոս Պետրոս ԺԶ. Պաթանեան կաթողիկոսին:
Ստացած է Ծայրագոյն Վարդապետի աստիճան։
2011 – 2013 անուանուած է Պատրիարքական Փոխանորդ Երուսաղէմի եւ Յորդանանի եւ ստացած է Թագադիր Ծայրագոյն Վարդապետի աստիճանը:
2013-ին նշանակուած է Լիոնի Տիրամայր Նարեկի Հայ Կաթողիկէ Եկեղեցւոյ ժողովրդապետ:
2014-2024 Ընդհանուր Փոխանորդ Ֆրանսայի Հայ Կաթողիկէ թեմին եւ ժողովրդապետ Ս. Խաչ աթոռանիստ եկեղեցւոյ:
2024-2026 հիւանդութեան պատճառով տեղափոխուած է հանգստեան տուն մինչեւ իր վախճանումը:
Գերյ. Յովսէփ Ծ.Վ. Քէլէկեան հմուտ շարականագէտ էր։ Իր ձայնով արձանագրած է Ս. Պատարագի քահանայի բաժնի երգեցողութիւնը՝ «Տիրամայր Հայաստանի» կեդրոնի երգչախումբին մասնակցութեամբ։