Դեկտեմբերին պիտի կայանան Հայաստանի Ֆութպոլի Ֆետերասիոնի նախագահի ընտրութիւնները։ Որոշ տեղեկութիւններով՝ ամենահաւանական թեկնածուն Տենիս Ճորքայեֆն է։
Ֆրանսայի մէջ Հայաստանի պատուաւոր հիւպատոս՝ Տենիս Ճորքայեֆ իր գործերով ապացուցած է ոչ միայն Հայաստանի հանդէպ իր սէրը, այլեւ կազմակերպչական կարողութիւնները, ան ամբողջ կեանքը ապրելով ֆութպոլային միջավայրի մէջ՝ հիանալի կը հասկնայ թէ՛ ֆութպոլը, թէ՛ ֆութպոլային կազմակերպչական կառուցուածքը։
Տենիս Ճորքայեֆը ճանչցուած ֆութպոլիստ եւ Ֆրանսայի հաւաքականի խմբապետ Ժան Ճորքայեֆի աւագ որդին է։ Ինքն ալ հանդէս եկած է որպէս արհեստավարժ ֆութպոլիստ։
Անոր մէկ եղբայրը արհեստավարժ ֆութպոլիստ Միշա Ճորքայեֆն է, իսկ միւսը՝ Աշխարհի եւ Եւրոպայի ախոյեան Եուրի Ճորքայեֆը։
