Չինական «Arkadia-Life» ապրանքանիշը ներկայացուցած է «P01 Classic Sofa» բազմոցը, որ «Porsche 911» մարզական ինքնաշարժի ձեւաւորումով միատեղանոց նստարան է՝ նախատեսուած ինքնաշարժներու սիրահարներու համար։ Ինքնաշարժի արտաքին տեսքին տակ պահուած են եօթը պահոց, որոնց շարքին՝ ներկառուցուած սառնարան, գինիի պահոց, կարգաւորելի բաժակակալներ եւ անլար լիցքաւորման հարթակ։ Բազմոցը ունի նաեւ 13 բարձրախօսէ բաղկացած «SENSONUM» ձայնային համակարգ, «Bluetooth» կապ եւ բազմագոյն լուսաւորութիւն։
Յատուկ հպման կոճակներու փոխարէն բազմոցի իրանին մէջ տեղադրուած հինգ վահանակները կը թոյլատրեն կառավարել անոր գործառոյթները թակոցներու միջոցով։
Բազմոցին գինը կը սկսի 30 հազար տոլարէ, իսկ անհատականացման որոշ տարբերակներու համար անհրաժեշտ է յաւելեալ վճարել։ Նշուած է, որ նախագիծը «Porsche»-ի եւ «Arkadia-Life»-ի համատեղ համագործակցութեան արդիւնք չէ, այլ գերմանական արտադրողի յայտնի ինքնաշարժի ձեւաւորումէն ներշնչուած կահոյք։
