ՀՀ Սփիւռքի գործերու գլխաւոր յանձնակատար Զարեհ Սինանեան ընդունած է Հալէպի Ճինիշեան եւ Գարագէօզեան հիմնարկութիւններու տնօրէն Լանա Պոյնարեանը։
Հանդիպման ընթացքին քննարկուած է հալէպահայ համայնքին մէջ տիրող իրավիճակը, ինչպէս նաեւ համայնքին մէջ իրականացուող առողջապահական, ընկերային եւ կրթական ծրագրերը։
Անդրադարձ կատարուած է համայնքի կարիքներուն, իրականացուող ծրագրերու ընթացքին եւ հայ համայնքի համար կենսական նշանակութիւն ունեցող ոլորտներուն մէջ աջակցութեան շարունակականութեան կարեւորութեան։
