ՀՀ կառավարութիւնը հաստատած է 2026 թուականի պետական պիւտճէի մասին օրէնքին մէջ փոփոխութիւն կատարելու եւ 8,9 միլիառ դրամի վերաբաշխում կատարելու մասին Կառավարութեան որոշման նախագիծը։
«Նախագիծով նախատեսուած է իրականացնել այն ճանապարհներու միջին նորոգումը, որոնց ընդհանուր երկարութիւնը 176,1 քմ է։ Ամբողջ ծաւալէն 113,2 քմ-ը միջպետական նշանակութեան ինքնաշարժային ճանապարհներ են, 33,6 քմ-ը՝ հանրապետական նշանակութեան ինքնաշարժային ճանապարհներ, իսկ 29,3 քմ-ը՝ մարզային նշանակութեան ճանապարհներ»,- ըսած է տարածքային կառավարման եւ ենթակառուցուածքներու նախարար Դաւիթ Խուդաթեանը։
«Բոլորը միջին նորոգման կ՚ենթարկուին»,- ըսած է վարչապետ Նիկոլ Փաշինեան եւ թուարկած է ճանապարհները։
«Մեր հիմնական կեդրոնացումը որակն է, որովհետեւ ճանապարհներու կառուցմանը զուգահեռ մենք պէտք է անընդհատ եւ շարունակաբար տեսնենք որակի բարձրացում, եւ գիտեմ, որ նախարարութիւնը այս ուղղութեամբ աշխատանքներ իրականացուցած է։ Համապատասխան սարքեր ձեռք կը բերենք, որպէսզի վստահ ըլլանք, որ որակի վերահսկողութեան պատշաճ կարողութիւններ ունինք»,- ըսած է Փաշինեան։
