ԱՄՆ նախագահ Տոնալտ Թրամփ յայտնեց, որ Ֆլորիտայի Ուեսթ Փալմ Պիչ քաղաքին մէջ գտնուող իր կոլֆի ակումբի տարածքին մէջ կրնայ ստեղծուիլ նախագահական հանգստավայր՝ Քեմփ Տէյվիտի նմանութեամբ։ Սպիտակ տունը հաստատեց, որ կառավարութիւնը պիտի քննարկէ այդ հնարաւորութիւնը։
Թրամփի խօսքով՝ գաղափարը առաջարկած են ԱՄՆ գաղտնի ծառայութիւնն ու զինուորականները։ Որպէս առաւելութիւններ կը նշուին տարածքին շուրջ բարձրայարկ շէնքերու եւ բնակելի տուներու բացակայութիւնը, անվտանգութեան բարձր մակարդակը, իրաւապահներուն եւ օդակայանին մօտ գտնուիլը։
Կը նախատեսուի, որ հանգստավայրէն կրնան օգտուիլ նաեւ ԱՄՆ ապագայ նախագահները եւ հոն հանդիպումներ ունենալ օտարերկրեայ առաջնորդներու հետ։
