Երեւանի աւագանիի նիստին երկու փողոցի անուանափոխութեան վերաբերեալ որոշումներ ընդունուեցան։
Շէնգաւիթ վարչական շրջանի Ֆրունզէի փողոցը վերանուանուեցաւ Երուանդունիներու, Նոր Արէշի 3-րդ փողոցն ալ՝ բանաստեղծուհի, հասարակական գործիչ Մետաքսէի անունով։
Համապատասխան որոշումներու նախագիծերուն մէջ ընդգծուած է, որ անուանափոխութիւնը միտուած է հայ ժողովուրդի պատմական ժառանգութիւնը տրամաբանօրէն արտացոլելուն։
