«Փութինը նոր թշնամի կը փնտռէ, եւ այդ նոր թշնամին կրնայ ըլլալ Եւրոպան»։
Այս մասին յայտնած է Իտալիոյ վարչապետ Ճորճիա Մելոնի։
«Փութինը կը սադրէ Եւրոպան, քանի որ անոր անհրաժեշտ է շեղել ուշադրութիւնը մարտադաշտին վրայ տեղի ունեցող զարգացումներէն, Ուքրանիոյ պատերազմէն։
Ան նոր թշնամի կը փնտռէ, եւ այդ նոր թշնամին կրնայ ըլլալ Եւրոպան։ Ի հարկէ, մենք պէտք է զգօն ըլլանք, վերահսկենք իրավիճակը եւ շարունակենք ընել այն ամէնը, ինչ որ կ՚ընենք հիմա։
Բայց ես չեմ կարծեր, որ մենք պէտք է Փութինին նման առաւելութիւն տանք։ Ես համոզուած եմ, որ յատկապէս այս պահուն մենք պէտք է պահպանենք մեր հանգստութիւնը»,- նշած է ան։
