Ղազախստանի նախագահ Գասիմ-Ժոմարթ Թոքաեւ առաջարկած է քննարկել Թրամփի երթուղիի (TRIPP) համարկումը Անդրկասպեան միջազգային փոխադրութեան երթուղիին մէջ (TITR, Միջին միջանցք)՝ Կեդրոնական Ասիա-Ատրպէյճան (C5+1) համագործակցութեան ձեւաչափի շրջանակներուն մէջ։
«Կը կարծեմ, որ Միջին միջանցքին համարկումը TRIPP փոխադրութեան նախաձեռնութեան հետ կրնայ քննարկուիլ փորձագիտական մակարդակով, որ պիտի ընդլայնէ առկայ ներուժը եւ պիտի ծառայէ մեր բոլոր երկիրներու երկարաժամկէտ շահերուն», — ըսած է Թոքաեւ։
Ան ընդգծած է, որ Ղազախստան յատուկ նշանակութիւն կու տայ Անդրկասպեան երթուղիի զարգացման, քանի որ վերջին տարիներու աշխուժութիւնը ցոյց կու տայ անոր աճող պահանջարկը։
Ան աւելցուցած է, որ Համաշխարհային դրամատան գնահատումներուն համաձայն, եթէ բոլոր ենթակառուցուածքային նախագիծերը իրականացուին, Կասպից ծովով բեռնափոխադրումները կրնան քառապատկուիլ մինչեւ 2040։
