Հայաստանը չի կրնար զուգահեռաբար ըլլալ ԵԱՏՄ եւ ԵՄ անդամ։ Այս մասին յայտնած է վարչապետ Նիկոլ Փաշինեան՝ Տապլինի Միջազգային եւ եւրոպական հարցերու հիմնարկի փորձագէտներու հետ հանդիպման ընթացքին։
Վարչապետին խօսքով՝ մեր հիմնական քաղաքական նպատակը եղած է եւ կը մնայ այլընտրանք ստեղծել ՀՀ քաղաքացիներուն համար. «Երկար ժամանակ ընկալումն այն էր, որ ՀՀ-ն այլընտրանք չունի։
Նոյնիսկ ԵԱՏՄ առաջնորդներէն մէկը հրապարակաւ յայտնած էր, որ Հայաստանը երթալու այլ տեղ չունի՝ բացի ԵԱՏՄ-էն։ Եւ այդ յայտարարութիւնը յառաջ բերաւ որոշակի քաղաքական գործընթացներ»,- նշած է Նիկոլ Փաշինեան։
