Ատրպէյճանի արտաքին գործերու նախարար Ճէյհուն Պայրամով յայտնած է, որ Հայաստանի հասարակութիւնը պէտք է գիտակցի խաղաղութեան կարեւորութիւնը երկու ժողովուրդներուն համար։
Հոլանտայի արտաքին գործերու նախարար Թոմ Պերենտսընի հետ համատեղ մամլոյ ասուլիսի ժամանակ Պայրամով ըսած է. «Ատրպէյճանը պատմական Ուաշինկթընեան գագաթաժողովին ցուցադրած է իր բարի կամքը։ Մեր երկիրը նաեւ միակողմանի քայլեր կը ձեռնարկէ, որպէսզի բոլորը տեսնեն խաղաղութեան գործընթացի իրական արդիւնքները։ Սակայն Հայաստանի մէջ ներքին խնդիրներ կան։ Մենք կը հետեւինք գործընթացին։ Հայաստանի հասարակութիւնը պէտք է ընդունի եւ հասկնայ, որ խաղաղութիւնը կարեւոր հարց է թէ՛ իրենց, թէ՛ ատրպէյճանական հասարակութեան համար։
Ի վերջոյ, այս գործընթացը կը բխի երկու կողմերու շահերէն։ Այդ պատճառով ալ մենք կը դիտարկենք այս քննարկումները կատարելու հնարաւորութիւնը։
Ամէն անգամ, երբ Հայաստանի մէջ սահմանադրական փոփոխութիւններ կը կատարուին, ատրպէյճանական կողմը պատրաստ է վերջ դնելու այս հարցին։ Սակայն պէտք է սպասենք արդիւնքին»,- ըսած է Պայրամով։
