Յորդանանի անվտանգութեան ուժերը ձերբակալած են Քարաք նահանգի ուղղափառ եկեղեցւոյ մէջ ահաբեկչութիւն իրականացուցած անձերը։
«Երկուշաբթի լուսադէմին իրականացուած գործողութեան ընթացքին յայտնաբերուած են երեք ահաբեկիչ, որոնք 23 Հոկտեմբերին յարձակում գործած էին Համուտ շրջանի Սուրբ Գէորգ եկեղեցւոյ մէջ գտնուող քաղաքացիներու վրայ»,- ըսուած է Ներքին գործերու նախարարութեան՝ X ընկերային ցանցին մէջ հրապարակուած յայտարարութեան մէջ։
Հաղորդագրութեան համաձայն՝ երեք զինեալները պատսպարուած էին Քարաք քաղաքի ծայրամասին մէջ գտնուող լքուած տուներէն մէկուն մէջ եւ հրաժարած էին յանձնուելէ՝ կրակ բացած ուժայիններու ուղղութեամբ։
«Փոխհրաձգութեան ընթացքին երեք յանցագործներն ալ վիրաւորուած եւ ձերբակալուած են», — նշած է Ներքին գործերու նախարարութիւնը։
