Թել Աւիւի մէջ ցուցարարները պահանջած են կառավարութիւն մը, որուն մէջ ընդգրկուած ըլլան թէ՛ հրեական, թէ՛ արաբական կուսակցութիւններ։ Ոստիկանութիւնը ցրեց ճամբու երթեւեկութիւնը արգելափակած գործիչները։
Ձախակողմեան գործիչները քաղաքէն երթ կատարելու ընթացքին փակեցին ճամբաները, ինչի հետեւանքով ոստիկանութիւնը միջամտեց եւ ցրեց հաւաքը։ Ցուցարարները բախեցան ոստիկանութեան հետ։
Ընտրութիւններուն անորոշ արդիւնքը ստիպեց Նեթանիահուն եւ ընդդիմադիր կուսակցութիւնները փնտռելու խորհրդարանական մեծամասնութիւն։ Ընդ որում՝ Իսրայէլի արաբ բնակչութիւնը ներկայացնող կուսակցութիւնները կրնան վճռորոշ դեր խաղալ դաշնակցային բանակցութիւններուն մէջ։
Բողոքի գործողութեան մասնակիցները պնդեցին, որ կառավարութիւն մը, որուն մէջ ընդգրկուած պիտի ըլլան թէ՛ հրեական, թէ՛ արաբական կուսակցութիւններ, կրնայ հիմք ստեղծել քաղաքական փոփոխութիւններու համար։
Իսրայէլի մէջ խորհրդարանական ընտրութիւններէն ետք իշխող դաշինք չէ ձեւաւորուած։
