ՄԱԿ-ի նոր զեկոյցին համաձայն՝ Երկրի սառցադաշտերու արագ հալոցքը կրնայ անդառնալի վնասներ հասցնել մոլորակին։ Գիտնականները կոչ կ՚ընեն համաշխարհային տաքացումը ժամանակաւորապէս 1.5°C-ը գերազանցելէն ետք հնարաւորինս արագ նուազեցնելու՝ հասցնելով 1°C-էն ցած մակարդակի։
Նախաարդիւնաբերական ժամանակաշրջանին համեմատ Երկրի միջին ջերմաստիճանը արդէն բարձրացած է 1.3°C-ով, իսկ ներկայիս քաղաքականութեան շարունակման պարագային կրնայ հասնիլ 2.8°C-ի։
Զեկոյցին համաձայն՝ Կրինլենտի եւ Անթարքթիքայի սառցաշերտերը այսօր կը հալին մօտ վեց անգամ աւելի արագ, քան 1990-ականներուն։ Վերջին հինգ տարուան մէջ Զուիցերիան կորսնցուցած է սառցադաշտերու սառոյցին 20%-ը։ Գիտնականները կը զգուշացնեն, որ հալոցքը պիտի յանգեցնէ ծովու մակարդակի բարձրացման, պիտի վտանգէ ջրային պաշարները եւ կրնայ լուրջ փոփոխութիւններ յառաջացնել ովկիանոսներուն մէջ։
