Իրանի խորհրդարանի՝ Մեճլիսի գործող երեսփոխան, երկրի արտաքին գործերու նախկին նախարար (2005-2010) Մանուչեհր Մոթաքի Եւրոպան նախազգուշացուցած է Թեհրանի դէմ պատերազմին մասնակցելու հետեւանքներուն մասին։
Երեսփոխանը Արեւմուտքի երկիրները, այդ կարգին՝ Մեծն Բրիտանիան, Գերմանիան, Իտալիան եւ Փորթուկալը, մեղադրած է իրենց ռազմական խարիսխները ամերիկեան կործանիչներուն տրամադրելուն համար։ Անոր խօսքով՝ այդ կործանիչները գործածուած են Իրանի ժողովուրդին դէմ ռազմական գործողութիւններ իրականացնելու նպատակով։
Ան ԱՄՆ-ին աջակցած երկիրներէն պահանջած է ներողութիւն խնդրել Իրանի ժողովուրդէն, նշելով որ Թեհրանի հրթիռները կրնան հասնիլ նաեւ Եւրոպա։
