Իրանի Արտաքին գործերու նախարարութիւնը 1 Նոյեմբերին յայտարարեց Մեծ Բրիտանիոյ հետախուզական ծառայութիւնը՝ MI6-ը, ինչպէս նաեւ թագաւորական նաւատորմն ու ռազմաօդային ուժերը թշնամական եւ ահաբեկչական կառոյցներ ճանչնալու մասին։
Իրանի ԱԳՆ-ի յայտարարութեան համաձայն՝ այս քայլերը ի պատասխան վերջին մէկ տարուան ընթացքին Մեծ Բրիտանիոյ հակաիրանեան գործողութիւններուն են, այդ շարքին՝ Իրանի դէմ ԱՄՆ-ի եւ Իսրայէլի ռազմական գործողութիւններուն աջակցելու եւ Իսլամական յեղափոխութեան պահակագունդը բրիտանական «Պետական սպառնալիքներու մասին» օրէնքի ծիրին մէջ ներառելու որոշումին։
Թեհրան կը պնդէ, որ միջոցառումները ընդունուած են երկրի Գերագոյն ազգային անվտանգութեան խորհուրդին որոշումով՝ ազգային անվտանգութիւնն ու շահերը պաշտպանելու նպատակով։
Իրանի ԱԳՆ-ն յայտարարեց, որ որոշումները հիմնուած են միջազգային իրաւունքի եւ փոխադարձութեան սկզբունքի վրայ՝ անոնց հետեւանքներուն պատասխանատուութիւնը վերապահելով բրիտանական կառավարութեան։
