Տասնեակ հազարաւոր մարդիկ, կարմիր հագուստ հագած, 8 Նոյեմբերին երթով անցած են Ամսթերտամի փողոցներէն՝ պահանջելով, որ Հոլանտայի կառավարութիւնը աւելի վճռական քայլեր ձեռնարկէ Իսրայէլի դէմ՝ Կազայի հատուածին մէջ ստեղծուած իրավիճակին առնչութեամբ։
Հոլանտայի մէջ «Կարմիր գիծ» խորագրով բողոքի հաւաքներու կազմակերպիչները շարք մը միջոցներ պահանջած են, այդ կարգին՝ Իսրայէլի նկատմամբ առեւտրական պատժամիջոցներու խստացում, Կազայի հատուածին մէջ Իսրայէլի գործողութիւնները որպէս ցեղասպանութիւն պաշտօնապէս ճանաչում եւ Իսրայէլին զէնքի վաճառքի ամբողջական դադրեցում։
Կազմակերպիչներէն մէկը՝ «Amnesty International»-ի հոլանտական մասնաճիւղը, յայտնած է, որ երթին մասնակցած է աւելի քան 200 հազար մարդ։
